Një zinxhir bllok, është një listë vazhdimisht në rritje e të dhënave, të quajtur blloqe, që janë të lidhura dhe të siguruara duke përdorur kriptografi. Çdo bllok zakonisht përmban një adresë kriptografike të bllokut të mëparshëm, të dhënat e transaksionit, dhe ndonjëherë edhe kohën e kryerjes së saj. Nga dizajni, një blockchain në thelbin e saj është rezistent ndaj modifikimit të të dhënave. Është “një libër i hapur dhe i shpërndarë” që mund të regjistrojë transaksionet midis dy palëve në mënyrë efikase të verifikueshme dhe të përhershme. Për përdorim si një libër të shpërndarë, një regjistër zakonisht menaxhohet nga një rrjet peer-to-peer (parimi: kokë-më-kokë) që bashkërisht i përmbahet një protokolli për verifikimin e blloqeve të reja. Pasi të regjistrohen, të dhënat në secilin bllok,nuk mund të ndryshohen në mënyrë individuale, pa ndikuar tek blloqet e mëvonshme apo të mëparshme, gjë e cila kërkon bashkëpunim të shumicës së rrjetit për “votim”. Për këtë arsye, është siguruar një metodologji vendimmarrjeje të decentralizuar, të sigurt dhe transparente. Kjo e bën teknologjinë blockchain të përshtatshme për regjistrimin e të dhënave me rëndësi të lartë, si ngjarjet, kartelat mjekësore, dhe aktivitetet e tjera të menaxhimit të regjistrave me thelb autentizmin, integritetin dhe sigurinë, të tilla si menaxhimi i identitetit, përpunimi i transaksioneve, dokumentimi i burimit, gjurmimi i zanafillës ose votimi.

Copyright 2018 © EXINN Technology Center – All Rights Reserved
Leave a Reply
Për të postuar një koment, duhet të jeni i futur.